Inicio de sesión

PostHeaderIcon Lana gal dezaketela uste dute EBko 25 urtera arteko hamar langiletik lauk

Europako Batzordeak Employment and Social Policy izeneko txostenean argitaratu dituen datuen arabera, Europar Batasuneko 15 eta 24 urte bitarteko hamar langiletik lauk (%39) diote kezkatuta daudela krisialdi-ekonomikoa dela-eta lana gal dezaketelako.

Kezka hori handixeagoa da langileria osoarena baino (%35).

Hori hala gertatuko balitz, alegia, kaleratuko balituzte, 25 urtera arteko langileen %47 seguru daude hurrengo sei hiletan lana aurkituko luketela; %27k, ordea, kontrakoa deritzote.

Egungo lana galduz gero, beste bat aurkitzeko aukeretan hein handiagoan sinesten dute gazteek, langileria osoak baino (%47 eta %41, hurrenez hurren).

Oro har, EBko gazteen iritziz, bi alderdik dute garrantzi gehien lana errazago aurkitzeko garaian: kualifikazio-mailak (%58k aipatua) eta lan-esperientziak (%49k). Gazteek gainerakoek baino neurri handiagoan aipatzen dute hizkuntzak ezagutzea (%25ek eta %17k, hurrenez hurren).

Iturria:EUSKADI.net

http://gipuzkoakoartisauak.net/images/logo_dipu.jpg