Inicio de sesión

PostHeaderIcon Arizmendi Ikastola-Ikerlan taldea, First Lego Leagueko Espainiako Estatuko finalera.

Arizmendi Ikastolako DBHko laugarren mailako talde batek, Zamudion jokatutako Euskadiko First Lego League txapelketan hirugarren postua lortu zuenak, Espainiako Estatuko finala jokatuko du Tenerifen martxoaren 21ean.

Arizmendi Ikastola-Ikerlan izeneko taldea DBHko laugarren mailako Arrasateko zortzi ikaslek osatzen dute: Andoni Atxa, Aitor Axpe, Odei Bouzon, Xabier Mujika, Joseba Ormaetxea, Peru Rozas, Markel Uribarren eta Gaizka Iturriotz. Eta beraien tutorea Teknologiako irakasle Iñaki Agirrebengoa da.

Ikasturtearen hasierarekin batera hasi zen lanean zortzikote hau eta lego piezekin egindako errobota diseinatu zuten. Proba desberdinak gauzatu ahal izateko palak, esfera birakariak, besoak eta beste hainbat elementu gehitzen joan ziren. Proba bakoitza ikaste prozesuarekin lotutako balio bati lotzen ahalegindu dira. Entsegu ugari egin dituzte, Teknologiako eskolatan eta aisialdi denboran.

Arizmendi Ikastola-Ikerlan taldea, First Lego Leagueko Espainiako Estatuko finalera

Errobotaz gain, proiektu zientifikoa ere garatu dute eta pianoa jotzen ikasteko proiektua diseinatu dute.

Arizmendi Ikastola barruko txapelketa irabazi ostean, Euskadikoan hirugarren postua lortu zuten eta datorren astean Tenerifen Espainiako Estatuko txapelketan lehiatuko dira.

Ordura arte entseguak egiten eta ezarritako denboran ahalik eta puntuazio gehien ziurtatzeko lanean ari da taldea buru-belarri.

Iturria: TULANKIDE.com

http://gipuzkoakoartisauak.net/images/logo_dipu.jpg