Inicio de sesión

PostHeaderIcon Eskualdeko enpresetan jarduteko hamabi beka emango ditu Arrasateko Udalak, tituludun berrientzat

Interesa dutenek urriaren 6a eta abenduaren 30a artean eman beharko dute izena, BAZen. Bekadunek 800 euro irabaziko dituzte, egunean gehienez 6 orduko jardunarekin. Askotariko esparrutako proiektuak dituzte enpresek, bekadunek gauza ditzaten.

PostHeaderIcon Enpresa berriei, enpresa-ekimenei eta autonomoei zuzendutako ikastaroak Mankomunitatean.

Debagoieneko Mankomunitateak prestakuntza-tailerrak antolatu ditu, uztail honetara begira.

 

Parte-hartzea doakoa izango da, baina plaza kopurua mugatua denez, interesa dutenei aholkatzen zaie eskaera orria lehenbailehen aurkeztea [eskaera orria pantaila honen behealdean aurkituko duzu].

 

Ikastaroak uztailean egingo dira, eta zuzenduta daude bai aurki Arrasaten edota Debagoienean enpresa-ekimen berri bat abian jarri nahi dutenei, baita autonomoei eta mikroenpresa berriei ere.

 

PostHeaderIcon Bailarako Lanbide Heziketako eskaintza osoa ezagutzeko aukera Goiaz! azokan.

Hilaren 26an eta 27an, eguaztena eta eguena, egingo da aurtengo Goiaz! Lanbide Heziketaren Azoka. Debagoieneko Lanbide Heziketako zentro guztiek eta Mankomunitateko Garapen Agentziak antolatzen dute. Bi egunetan, zentroen eskaintza ezagutzeaz gain, hitzaldietara eta tailerretara joateko aukera izango dute herritar guztiek.
Goiaz! azokaren programa.

PostHeaderIcon Enpresa-jarduera eta ideia berriak sustatzeko laguntzak prest ditu Mankomunitateak.

Debagoieneko Mankomunitateak egun hauetan bi laguntza eskaintzen ditu: Enpresa-jarduera berriak martxan jartzera bideratutako diru-laguntzak eta Enpresa-ideia berriak sustatzen dituzten pertsonentzako laguntzak.

Mankomunitateak, Lanbiderekin batera, bi laguntza eskaintzen ditu egunotan, enpresagintzarekin zerikusia dutenak. Laguntzak eskatzeko epea atzo ireki zen eta azaroaren 15ean itxiko da. Hona hemen datu gehiago: 

PostHeaderIcon Langabezia jaitsi egin da ekainean Debagoienean

Ekainean maiatzean baino 125 lagun gutxiago zeuden lan barik Debagoienean, 3.559 guztira (%12,07).  Langabeziak bailarako herri guztietan egin du behera, Antzuolan (berdin mantendu da) eta Leintz Gatzagan (gora egin du) izan ezik.

PostHeaderIcon Autoenplegua sustatzeko saioak antolatu ditu Mankomunitateak

Mankomunitateko garapen agentziak autoenplegua sustatzeko tailerrak antolatu ditu, krisi garaian autoenpleguak eskaintzen dituen irtenbideak ezagutzera emateko asmoarekin. Honez gain ekintzaile berrientzat eta enpresa txikientzat ere tailerrak izango dira.

PostHeaderIcon Langabeziak behera egin du abenduan, jaitsiera oso txikia izan bada ere.

bendua hilabete ona izan ohi da lana topatzeko. Eguberrietako kontsumoak lagunduta, behin behineko kontratuak egin ohi dira zerbitzuen alorrean, gehienbat. Eta, hori, igarri da langabezia tasan. Izan ere, joera orokorrari eutsiz, Debagoienean ere behera egin du-eta langabeziak azaroarekiko. Hala, azken hilabeteotako gorako joera aldatu egin da. Joan zen hilean baino70 langabe gutxiago zeuden abenduan Debagoienean. Orotara, 3.631 langabe zeuden (%12,18).

PostHeaderIcon Debagoienak ere erakutsiko du bere eskaintza Fiturren

Gaur, eguaztena, hasi eta domekara arte izango da Madrileko azoka eta Debagoienak Euskadiren 1.000 metro karratuko erakustokian izango du bere txokoa.

Gaur, eguaztena, hasi eta domekara arte zabalik izango ditu ateak Fitur turismo azokak Madrilen. Eta hantxe, Debagoienak ere izango du bere txokoa, Euskadiko standean, hain justu ere.

PostHeaderIcon Enpresak sortzeko ikastaroa eskainiko dute Debagoieneko Mankomunitatean

Egungo testuinguru ekonomikoan ekintzaile-zaletasuna ezinbestekotzat jotzen dute adituek krisitik irteteko, hori dela-eta, enpresak sortzeko ikastaroa antolatu dute Debagoieneko Mankomunitatean.  Bultz-Lan enpresak antolatuta, ikastaro honek 58 orduko iraupena izango du, eta urtarrilaren 23tik otsailaren 9ra luzatuko da.  Klaseak Mankomunitateko lokaletan eskainiko dira, Nafarroa etorbideko hamazazpigarren zenbakian, goizeko 9:30ak eta eguerdiko 13:30k bitartean. 

PostHeaderIcon 2.873 langabetu izan dira guztira Debagoienean urrian

Dagoeneko, pasadan hilabeteko langabezi datuak eman ditu aditzera Lan Ministerioak.  Debagoienari dagokionez, datuak ez dira hain txarrak, iraileko datuekin alderatuta. Aurtengo urriaren amaieran, 2.873 langabetu izan dira guztira. Horrek esan nahi du, iraileko datuekin konparatuta, 31 langabetu gutxiago izan direla.

Herriz herri

http://gipuzkoakoartisauak.net/images/logo_dipu.jpg